Diä beedä Alpä ligget am linggä Talhang uf ärä Heechi vu 1400 bis 1600 Meter uber Meer. Wer nit läüfä will, chunnt mit ämä luftigä Säilbähntli i diä Alpä üfä.
Uf dr Musenalp het s äs Bärgreschtärant mit ärä Gaschtschtubä, drii Doppelzimmer zum Ubernachtä und äs Massälaager.
Uf dr vorderä Alp wird nur fir privati Zwäck gchääset. Hingägä uf dr Musenalp sälber produziärt dr Älpler rund drii Tonnä Ürner Alpchääs. Drnäbt macht är äü nu Ankä fir ds Bärgreschtärant.
«I derä Gäged häig mä eppädiä ä Ritter gseh, wo imä schtotzigä Ton äs Zimmer und äs Bett verlangt häig. Mä het da wellä wissä, das sig dr Gäischt vumänä friändrigä Bsitzer vu Gitschenä, ämä wichtigä Herr üs Altdorf, wo da nu biässä miäss.»
Ürner Sagäwält